Fasnacht 2022

Ändlich!
Das isch dä Begriff wo uns allne dure Kopf isch wos nach so langer wieder los gange isch.
Bi prächtigem Wätter het d Fasnacht 2022 könne stattfinde und mir hän jedi Minute gnosse!
Während em Mentig und Mittwuch sin mer vo unserene Fründe de Primidoofe-Waggis begleitet worde. Getreu em Sujet vom Brexit sind si als Boris Johnson vorus gloffe und hän uns de Wäg gwiese.
Unsers Fasnachts-OK het sich für die spezielli Fasnacht au so s eint oder andere Highlight überlegt.
So hän mer bi unsere Fründe vom Kinder-Charivari, die Jungi Garde vo de Rhygwäggi, e Bsuech absgstattet und hän sogar e Ständeli gspielt beko. E bricht derzue gits derzue do uf Telebasel.
Am Mittwuch het sich denn e witers Highlight igreiht in däm mir inere dreier Komposition vonere Wageclique, Gugge undere Clique gloffe sind. So sin mer zämme mit de Antygge Clique und de Primidoofe-Waggis durch die Freii Stroos abegloffe. Links und rächts hän sich d Lüt d Auge griebe und glichzitig mitfieberet zu dere einzigartige Formation.
Und dä spezielle Momänt isch eigentlich au sinnbildlich für die ganzi Fasnacht gsi: Speziell und wunderschön.
Mer freue uns scho uf d Fasnacht 2023.