Drey Waggis
Bereits zum 44te Mol sind die drey Keenig zu de drey Waggis verkleidet worde. Und wie jedes Joor hän mer au in däm Joor dörfe dä feschtligi Alass musikalisch begleite. Pünktlig am 10i sin d’Lufhüüler-Waggis uf em Polizei-Oldtimer bim «Drey Keenig» vorgfahre, dicht gfolgt vom Löschzug vo dr Basler Füürwehr.
Es het eifach öpis magischs so kurz vor de Fasnacht uf em Balkon vom «Drey Keenig» zstoh und uf die zahlriche Zueschauer abezluege. Wenn den dr Major s Signal git zum erschte Lied; jä spötischtens denn isch Fasnachtsfieber bi uns usbroche.
In dr Kleibasler Zytig isch am 20. Februar e tolle Bricht über d Entstehig vo däm traditionsriche Alass erschiene:
Wiitere Informatione zu dr Kleibasler Zitig findet der diräggt uf Ihrere Internetsite:
https://www.kleinbasler-zeitung.ch/