D Schnygge sueche Verstärkig

Mir fraien uns iiber Intressierti wo gärn emol würde aggtiv Fasnacht mache. Me muess kai musikalische Iiberflieger si zem by uns mitmache au wenn e gwiisses Taggtgfiehl sicherlich nit falsch isch. Bi uns stoot dFraid am musiziere und s Zämme si im Vordergrund. Wenn du also uf dr Suechi bisch nach emme Fasnachtverein mit e baar glatte Kaibe denn kumm gärn emool am Zyschtigoobe bi uns ko iineluege oder mäld Di bi uns per Mail an obmaa@krachschnygge.ch.
Mer fraie uns Di kenne zlerne!

Zem uff uns uffmergsam mache hänm mr s folgende kurzes Video drait und hoffe es gfallt eych. Uns hets emel e haide Spass gmacht das zmache au wenn mer ins schwitze koo sinn.

E grosses Dankscheen an alli wo das Video meeglig gmacht hänn:

Schauspieler: Dominic Muggler, Raffael Lehmann, Dimitri Bürgi, Marco Letze und Sebastian Brodmann
Kamera & Schnitt: Egor Svetchkarev
Schprächer: Marc Gianola
 Wätter: Petrus
Idee: Sebastian Brodmann